لبنان میں اسرائیلی جارحیت، ہلاکتوں کی تعداد 4 ہزار 335 تک پہنچ گئی

لبنان کی وزارتِ صحت کے مطابق ملک کے خلاف جاری اسرائیلی جارحیت کے نتیجے میں ہلاکتوں کی تعداد بڑھ کر 4 ہزار 335 ہو گئی ہے۔

لبنانی المنار نیوز نیٹ ورک کے مطابق وزارتِ صحت کی جانب سے جاری بیان میں کہا گیا ہے کہ 2 مارچ 2026 کو اسرائیلی جارحیت کے آغاز سے اب تک کم از کم 4 ہزار 335 افراد جاں بحق ہو چکے ہیں۔

وزارتِ صحت کے مطابق اسرائیلی حملوں کے نتیجے میں زخمی ہونے والے افراد کی تعداد بھی 12 ہزار 273 تک پہنچ گئی ہے۔

لبنانی حکام کا کہنا ہے کہ اسرائیلی کارروائیوں کے باعث ملک میں انسانی اور شہری نقصانات میں مسلسل اضافہ ہو رہا ہے، جبکہ متاثرہ علاقوں میں صورتحال بدستور تشویشناک ہے۔