پاکستان نے کوریا کو ہرا کر ایشین گیمز اسکواش کے سیمی فائنل کے لیے کوالیفائی کر لیا

ایشین گیمز اسکواش ایونٹ کے مینز ٹیم ایونٹ کے کوارٹر فائنل میں پاکستان نے کوریا کو دو کے مقابلے میں صفر سے شکست دے کر سیمی فائنل کے لیے کوالیفائی کر لیا۔

ایشین گیمز کے اسکواش مقابلوں میں پاکستان کی ٹیم نے شاندار کارکردگی کا مظاہرہ کرتے ہوئے مینز ٹیم ایونٹ کے سیمی فائنل میں رسائی حاصل کر لی ہے۔ پاکستان نے کوارٹر فائنل کے انتہائی اہم میچ میں کوریا کو 0 کے مقابلے میں 2 سے شکست دی۔

یہ بھی پڑھیں : پاکستان ہاکی ٹیم نے عمان کو ہرا کر ایشیئن گیمز کے سیمی فائنل میں جگہ بنا لی

میچ کے پہلے مقابلے میں پاکستان کے محمد عشیب عرفان نے کوریا کے جو یونگ کو 5-11، 8-11 اور 8-11 سے شکست دی، جبکہ دوسرے میچ میں نور زمان نے کوریا کے اوسنگ ہی کو 4-11، 5-11، 11-8 اور 2-11 سے ہر کر فتح کو یقینی بنایا۔

پاکستان اور ہانگ کانگ چائنہ کے درمیان ایونٹ کا سیمی فائنل کل کھیلا جائے گا۔ دوسری جانب ٹیم ایونٹ کے ویمنز مقابلوں میں چائنہ کے مقابلے میں پاکستان کو شکست کا سامنا کرنا پڑا ہے۔