سونے کی قیمت میں ایک بار پھر بڑی کمی ہوگئی

عالمی اور مقامی مارکیٹ میں سونے کی قیمت میں ایک بار پھر کمی ریکارڈ کی گئی ہے، جس کے بعد فی تولہ سونا مزید سستا ہو گیا۔

آل پاکستان صرافہ ایسوسی ایشن کے مطابق مقامی مارکیٹ میں فی تولہ سونے کی قیمت میں 1200 روپے کمی ہوئی، جس کے بعد نئی قیمت 4 لاکھ 98 ہزار 962 روپے مقرر ہو گئی ہے۔

اسی طرح 10 گرام سونے کی قیمت میں بھی 1029 روپے کمی ریکارڈ کی گئی، جس کے بعد 10 گرام سونا 4 لاکھ 27 ہزار 779 روپے میں فروخت ہو رہا ہے۔

دوسری جانب انٹرنیشنل مارکیٹ میں 12 ڈالرکی کمی سے فی اونس سونا 4766 ڈالر پر آ گیا۔