ایشین گیمز: پاکستان کو افغانستان کے ہاتھوں سیمی فائنل میں شکست

ینگزو: ایشین گیمز کے سیمی فائنل میں افغانستان نے پاکستان کو 4 وکٹوں سے شکست دے دی۔

افغانستان نے پاکستان کیخلاف ٹاس جیت کر پہلے فیلڈنگ کا فیصلہ کیا تاہم پاکستان کی پوری ٹیم 115 رنز پر ڈھیر ہوگئی، جس کے بعد افغانستان کو جیت کیلئے 116 رنز درکار تھے افغانستان نے 17 اوورز اور 5 گیندوں میں 6 وکٹوں کے نقصان پر مقررہ ہدف پورا کرلیا۔

میچ میں پاکستان ٹیم کی قیادت قاسم اکرم نے کی، پاکستان کی جانب سے عمیر بن یوسف 24 رنز بناکر نمایاں رہے عرفات منہاس 14 رنز بنا کر ناقابل شکست رہے، عامر جمال نے 14 اور روحیل نذیر نے 10 رنز بنائے۔

Omair Bin Yousuf top-scores with 24 as Pakistan are all out for 115 in the first innings.#AsianGames | #PAKvAFG pic.twitter.com/zVDfBi8JPU

— Pakistan Cricket (@TheRealPCB) October 6, 2023

یہ بھی پڑھیں: ارشد ندیم انجری کے باعث ایشین گیمز سے دستبردار

واضح رہے کہ اس سے قبل سیمی فائنل میں بھارت نے بنگلا دیش کے خلاف کامیابی حاصل کی تھی، افغانستان فائنل میں بھارت کا سامنا کرے گی۔