پاک بھارت ٹاکرا: ڈینگی میں مبتلا شبمن گل احمد آباد پہنچ گئے

احمدآباد: پاک بھارت ٹاکرے سے قبل ڈینگی میں مبتلا بھارتی بیٹر شبمن گل احمد آباد پہنچ گئے۔

پاکستان اور بھارت کے درمیان ورلڈکپ کا بڑا ٹاکرا 14 اکتوبر ہفتے کے روز احمدآباد میں ہوگا۔

بھارتی میڈیا کے مطابق شبمن گل ہفتے کو ہونے والے پاک بھارت میچ کیلئے آج سے ٹریننگ کا آغاز کریں گے۔

یہ بھی پڑھیں: ورلڈکپ: پاک بھارت ٹاکرے سے قبل ان فارم بھارتی بیٹر اسپتال میں داخل

بھارتی میڈیا کا کہنا ہے کہ شبمن گل ڈینگی بخار میں مبتلا ہیں، احمد آباد آمد پر شبمن گل نے ائیرپورٹ پر ماسک پہن رکھا تھا تاہم شبمن کی پاکستان کے خلاف میچ میں شرکت پر اب بھی سوالیہ نشان ہے۔