حارث رؤف نے ورلڈ کپ کی تاریخ میں منفرد ریکارڈ بنا ڈالا

بنگلورو: قومی کرکٹ ٹیم کے فاسٹ بولر حارث روف نے ورلڈ کپ میں ایک منفی تاریخی ریکارڈ اپنے نام کرلیا۔

آئی سی سی ورلڈکپ 2023 میں آج پاکستان اور نیوزی لینڈ کے درمیان اہم میچ کھیلا جارہا ہے جس میں حارث روف ورلڈ کپ کی تاریخ میں پاکستان کے مہنگے ترین بولر بن گئے۔

حارث رؤف آج نیوزی کے خلاف بھی بُری طرح ناکام رہے، انہوں نے اپنے دس اوورز میں 85 رنز دیے اور ایک وکٹ حاصل کی۔

یہ بھی پڑھیں: اسکول کی فیس دینے کیلئے نمکو بیچتا تھا، حارث رؤف پر دستاویزی فلم جاری

تاہم آج کے میچ کے باعث حارث رؤف ورلڈکپ کی تاریخ میں پاکستان کے سب سے زیادہ رنز دینے والے بولر بن گئے۔

انہوں نے اس ورلڈکپ ایڈیشن میں سب سے زیادہ چھکے کھانے والے بولر ہونے کا ریکارڈ بھی اپنے نام کرلیا۔