جب تک چلنے کے قابل ہوں آئی پی ایل کھیلتا رہوں گا: میکسویل

آسٹریلوی آل راؤنڈر گلین میکسویل نے کہا کہ جب تک چلنے کے قابل ہوں اسوقت تک آئی پی ایل کھیلوں گا۔

میڈیا سے گفتگو کرتے ہوئے گلین میکسویل نے کہا کہ میرے کیرئیر کیلئے انڈین پریمئیر لیگ (آئی پی ایل) بہت اچھا رہا، میں جن لوگوں سے ملا اور جن کوچز کے تحت کھیلا وہ بین الاقوامی کرکٹ میں نمایاں نام تھے۔

ان کا کہنا تھا کہ آپ مسلسل دو ماہ تک ڈی ویلیئرز، کوہلی جیسے کھلاڑیوں کے ساتھ کھیلتے ہیں، جس سے سیکھنے کو ملتا ہے۔

انہوں نے مزید کہا کہ جب تک چلنے کے قابل ہوں اسوقت تک آئی پی ایل کھیلوں گا۔

یہ بھی پڑھیں: بگ بیش لیگ میں گلین میکسویل نے ریکارڈ قائم کردیا

گلین میکسویل نے سال 2012 میں پہلی مرتبہ دہلی ڈیئر ڈیولز (کیپٹلز) کیلئے پہلا سیزن کھیلا تھا بعدازاں ممبئی انڈینز کا حصہ بنے۔

آل راؤنڈر گزشتہ تین سیزنز سے رائل چیلنجر بنگلور کی ٹیم کا حصہ ہیں، گزشتہ برس وہ 14.25 بھارتی کروڑ روپے میں نیلام ہوئے تھے۔