پی ایس ایل 9: شین واٹسن کوئٹہ گلیڈی ایٹرز کے ہیڈ کوچ مقرر

پاکستان سپر لیگ کی فرنچائز کوئٹہ گلیڈی ایٹرز نے سابق آسٹریلوی کرکٹر شین واٹسن کو ٹیم کا ہیڈ کوچ مقرر کردیا گیا۔

کوئٹہ گلیڈی ایٹرز کے مالک ندیم عمر، ٹیم ڈائریکٹر معین خان اور ٹیم مینجمنٹ نے پی ایس ایل 9 کے لیے سابق آسٹریلوی آل راؤنڈر شین واٹسن کو کوئٹہ گلیڈی ایٹرز کا ہیڈ کوچ مقرر کیا۔

شین واٹسن سرفراز احمد کی قیادت میں پی ایس ایل 4 کی فاتح ٹیم کوئٹہ گلیڈی ایٹرز کا حصہ رہ چکے ہیں جبکہ شین واٹسن کوئٹہ گلیڈی ایٹرز کی جانب سے کھلاڑی کی حیثیت سے پی ایس ایل 3 اور 5 میں بھی نمائندگی کر چکے ہیں۔

یہ بھی پڑھیں: پی ایس ایل 9: معین خان گلیڈی ایٹرز کے ہیڈ کوچ کے عہدے سے برطرف

🚨 ANNOUNCEMENT 🚨

𝙎𝙃𝘼𝙉𝙀 𝙒𝘼𝙏𝙎𝙊𝙉 𝘼𝙋𝙋𝙊𝙄𝙉𝙏𝙀𝘿 𝘼𝙎 𝙃𝙀𝘼𝘿 𝘾𝙊𝘼𝘾𝙃

The Quetta Gladiators owner and the team management has decided to appoint Former Australian all-rounder and Gladiators’ best run-getter in the PSL, @ShaneRWatson33 as head coach of the team.… pic.twitter.com/Ig7SEWQWTZ

— Quetta Gladiators (@TeamQuetta) December 6, 2023

کوئٹہ گلیڈی ایٹرز کے مالک ندیم عمر نے کہا ہے کہ شین واٹسن کوئٹہ گلیڈی ایٹرز کی کامیابیوں میں نمایاں کردار ادا کرچکے ہیں اور اسی وجہ سے وہ کوئٹہ گلیڈی ایٹرز کے لیے بحیثیت کوچ بہترین انتخاب ہیں۔

ان کا کہنا تھا کہ امید ہے واٹسن کے تجربے سے کھلاڑی فائدہ اٹھائیں گے اور ٹیم کو بے حد فائدہ ہوگا۔