چیمپیئنز ٹرافی 2025: آئی سی سی اور پی سی بی کے درمیان معاہدہ ہوگیا

دبئی: چیمپیئنز ٹرافی 2025 کی میزبانی کے لیے انٹرنیشنل کرکٹ کونسل اور پاکستان کرکٹ بورڈ کے درمیان معاہدہ ہوگیا۔

پی سی بی اور آئی سی سی کے درمیان ”ہوسٹنگ رائٹس ایگریمنٹ“ پر دستخط ہوگئے، معاہدے پر پی سی بی مینجمنٹ کمیٹی کے چیئرمین ذکاء اشرف اور آئی سی سی کے جوناتھن نے دستخط کیے۔

اس موقع پر ذکاء اشرف نے آئی سی سی حکام کو ٹرافی کے انتظامات بارے تفصیلی بریفنگ دی۔

یہ بھی پڑھیں: چیمپئنز ٹرافی 2025؛ کیا بھارت ایونٹ میں شرکت کیلئے پاکستان آئیگا؟، بیان جاری

PCB signs Champions Trophy hosting rights agreement with ICC

Details here⤵️https://t.co/s94ACBDzYd

— PCB Media (@TheRealPCBMedia) December 15, 2023

چیئرمین پی سی بی نے نگراں وزیراعظم انوار الحق کاکڑ کی چیمپئینز ٹرافی کی بہترین میزبانی کرنے کے بارے میں ہدایات اور ٹرافی کی شرکاء ٹیموں کو فوول پروف اسکیورٹی فراہم کرنے بارے آگاہ کیا۔

آئی سی سی حکام نے ذکاء اشرف کی بریفنگ پر اطمینان کا اظہار کیا، جس کے بعد معاہدے کو حتمی شکل دے دی گئی۔