حکومت نے پی سی بی کو پی ایس ایل کے نشریاتی حقوق بیچنے کی اجازت دیدی

لاہور: پاکستان کرکٹ بورڈ (پی سی بی) کی پاکستان سپر لیگ (پی ایس ایل) کے 9 ویں ایڈیشن کے حوالے سے ایک مشکل آسان ہوگئی۔

ذرائع کے مطابق نگراں وفاقی حکومت نے پی سی بی کو پاکستان سپر لیگ (پی ایس ایل) کے نشریاتی حقوق بیچنے کی اجازت دے دی ہے۔

ذرائع نے بتایا کہ حکومت نے پی سی بی کو مالی معاملات میں بغیر اجازت فیصلوں سے روکا تھا، تاہم اب حکومتی اجازت کے بعد پی سی بی نے پی ایس ایل کے نشریاتی حقوق پر کام شروع کردیا ہے۔

یہ بھی پڑھیں: پی ایس ایل 9 میں پک نہ ہونے پر احمد شہزاد افسردہ، لیگ کو خیرباد کہہ دیا

ذرائع کا کہنا ہے کہ پی ایس ایل نشریاتی حقوق کیلئے تکنیکی بڈز مکمل ہوگئی ہے، نشریاتی حقوق کی مالی بڈ کا فیصلہ آئندہ منگل کو ہوگا اور پی ایس ایل کے ڈیجیٹل رائٹس پر بڈ بھی رواں ہفتے کھل جائیں گی۔