ایشیا کپ سے قبل قومی ٹیم کے انتہائی اہم کھلاڑی نے ریٹائرمنٹ کا اعلان کردیا

قومی کرکٹ ٹیم کے فاسٹ بولر عثمان خان شنواری نے انٹرنیشنل کرکٹ سے ریٹائرمنٹ کا اعلان کر دیا ہے۔

 قومی کرکٹ ٹیم کے فاسٹ بولر عثمان شنواری نے پاکستان کی نمائندگی دسمبر 2013 سے دسمبر 2019 تک کی اور اس دوران ایک ٹیسٹ، 17 ون ڈے اور 16 ٹی ٹوئنٹی میچز کھیلے۔

عثمان شنواری نے اپنا واحد ٹیسٹ، ون ڈے اور ٹی ٹوئنٹی ڈیبیو سری لنکا کے خلاف کیا تھا، جہاں انہوں نے اپنے دوسرے میچ میں پانچ وکٹیں حاصل کر کے مین آف دی میچ کا اعزاز بھی اپنے نام کیا تھا۔

ایشیا کپ سے قبل کیے گئے اپنے اعلان میں عثمان شنواری نے بتایا کہ وہ اب بین الاقوامی کرکٹ سے ریٹائر ہو رہے ہیں تاکہ نوجوان کھلاڑیوں کو موقع دیا جا سکے۔ ان کے اس فیصلے سے پاکستان کرکٹ میں نئی نسل کو موقع ملنے کی توقع ہے۔