وسیم اکرم کے انتقال کی افواہیں جھوٹی ثابت، شنیرا اکرم نے ویڈیو جاری کر کے حقیقت واضح کر دی

پاکستان کرکٹ کے عظیم فاسٹ بولر اور سابق کپتان وسیم اکرم کے انتقال سے متعلق سوشل میڈیا پر گردش کرنے والی افواہیں بے بنیاد ثابت ہوئیں۔

گزشتہ چند گھنٹوں کے دوران مختلف سوشل میڈیا پلیٹ فارمز پر ایسی ویڈیوز اور پوسٹس تیزی سے وائرل ہوئیں جن میں دعویٰ کیا گیا کہ وسیم اکرم دل کا دورہ پڑنے کے باعث انتقال کر گئے ہیں۔ بعد ازاں معلوم ہوا کہ ان میں سے کئی ویڈیوز مصنوعی ذہانت (AI) کی مدد سے تیار کی گئی تھیں، جن کا حقیقت سے کوئی تعلق نہیں تھا۔

ان جھوٹی خبروں کے جواب میں شنیرا اکرم نے اپنے سوشل میڈیا اکاؤنٹ پر ایک نئی ویڈیو شیئر کی۔ ویڈیو میں وسیم اکرم جم میں ورزش کرتے ہوئے نظر آ رہے ہیں۔ وہ مختلف فٹنس ایکسرسائز کر رہے ہیں، جن میں کیبل پل ڈاؤن، پل اپس اور باربل فلور پریس شامل ہیں۔ ویڈیو کے اختتام پر وہ کیمرے کی طرف دیکھ کر مسکراتے بھی ہیں، جس سے واضح ہوتا ہے کہ وہ صحت مند اور معمول کی زندگی گزار رہے ہیں۔

 

View this post on Instagram

 

A post shared by Galaxy Lollywood (@galaxylollywood)

شنیرا اکرم نے ویڈیو کے ساتھ اپنے پیغام میں کہا کہ یہ ویڈیو ان تمام جھوٹی خبروں اور اے آئی سے تیار کردہ جعلی ویڈیوز کے جواب میں شیئر کی جا رہی ہے۔ انہوں نے لوگوں سے اپیل کی کہ غیر مصدقہ خبروں پر یقین نہ کریں اور کسی بھی خبر کو شیئر کرنے سے پہلے اس کی تصدیق ضرور کریں۔