واٹس ایپ اسٹیٹس میں زبردست فوٹو فیچر کا اضافہ

معروف چیٹنگ ایپ واٹس ایپ اسٹیٹس اپ ڈیٹس کے لیے نئے اسٹیکر ایڈیٹنگ ٹول کی آزمائش کر رہا ہے۔

میٹا کی مقبول انسٹنٹ میسجنگ ایپ واٹس ایپ ایک دلچسپ نیا فیچر متعارف کرا رہی ہے جو صارفین کو اپنے اسٹیٹس اپ ڈیٹس کیلئے اسٹیکر فوٹو میں ترمیم کرنے کی سہولت دے گا۔
مزید پڑھیں:واٹس ایپ پروفائل پر دوسرے سوشل میڈیا اکاؤنٹس ایڈ کرنا اب ہوا ممکن؛ مگر کیسے؟

مزید پڑھیں:واٹس ایپ میں فاسٹ اسٹیٹس لگانے کیلئے شارٹ کٹ کا اضافہ
ڈبلیو اے بیٹا انفو کے مطابق یہ نیا فیچر ابھی تیار کیا جا رہا ہے کیونکہ واٹس ایپ بیٹا ٹیسٹرز کیلئے باضابطہ اجراء سے قبل اسے فعال طور پر بہتر بنا رہا ہے۔

یہ آنے والا فیچر صارفین کو مختلف قسم کی پہلے سے طے شدہ شکلوں میں سے انتخاب کرکے اپنی اسٹیکر تصاویر کی شکل کو اپنی مرضی کے مطابق بنانے کے قابل بنائے گا، جس سے ان کی پوسٹس کی پرسنلائزیشن میں اضافہ ہوگا۔

صارفین مختلف شکلوں میں سے انتخاب کرسکیں گے، جس میں 2 مستقل فارمیٹس (لینڈ اسکیپ اور پورٹریٹ) ایک مربع، ایک دائرہ، ایک دل اور ایک ستارہ شامل ہیں۔