vivo نے پاکستان میں اپنا نیا فلیگ شپ اسمارٹ فون X300 FE متعارف کروا دیا

معروف اسمارٹ فون کمپنی vivo نے پاکستانی صارفین کے لیے اپنا نیا فلیگ شپ اسمارٹ فون vivo X300 FE باضابطہ طور پر پیش کر دیا ہے۔

 کمپنی کا کہنا ہے کہ یہ فون جدید کیمرہ ٹیکنالوجی، طاقتور ہارڈ ویئر، مصنوعی ذہانت (AI) پر مبنی فیچرز اور جدید ڈیزائن کے ساتھ تیار کیا گیا ہے۔ نیا ماڈل خاص طور پر ان صارفین کو مدنظر رکھ کر متعارف کروایا گیا ہے جو فوٹوگرافی، گیمنگ اور روزمرہ کے تیز رفتار استعمال کے لیے ایک پریمیم اسمارٹ فون چاہتے ہیں۔

vivo X300 FE کی سب سے نمایاں خصوصیت اس کا جدید کیمرہ سسٹم ہے، جسے معروف آپٹیکل برانڈ ZEISS کے تعاون سے تیار کیا گیا ہے۔ فون میں 50 میگا پکسل کا ZEISS سپر ٹیلی فوٹو کیمرا، 50 میگا پکسل کا مین کیمرا اور الٹرا وائیڈ کیمرا شامل کیا گیا ہے۔ کمپنی کے مطابق AI True Clarity Engine تصاویر کی باریک تفصیلات کو بہتر بناتا ہے، جس سے کم روشنی اور زوم کے دوران بھی واضح تصاویر حاصل کی جا سکتی ہیں۔

نئے فون میں کئی جدید AI فیچرز بھی شامل کیے گئے ہیں، جن میں AI Creative Camera، AI Erase، AI Image Expander اور دیگر اسمارٹ ٹولز شامل ہیں۔ ان فیچرز کی مدد سے صارفین غیر ضروری اشیا کو تصویر سے ہٹا سکتے ہیں، تصویر کا پس منظر بہتر بنا سکتے ہیں اور کم معیار والی تصاویر کو بھی بہتر انداز میں ایڈٹ کر سکتے ہیں۔

ڈیزائن کے لحاظ سے vivo X300 FE کو نہایت باریک اور ہلکا رکھا گیا ہے۔ اس میں 6.31 انچ کا فلیٹ ڈسپلے دیا گیا ہے، جبکہ فون کا وزن صرف 191 گرام اور موٹائی 7.99 ملی میٹر ہے۔ کمپنی نے اسے Glow White، Urban Olive اور Luxe Black رنگوں میں متعارف کروایا ہے تاکہ صارفین اپنی پسند کے مطابق انتخاب کر سکیں۔

کارکردگی کے لیے اسمارٹ فون میں جدید Snapdragon 8 Gen 5 پروسیسر نصب کیا گیا ہے، جو تیز رفتار پراسیسنگ اور بہترین گیمنگ تجربہ فراہم کرتا ہے۔ فون میں وی سی لیکوڈ کولنگ سسٹم بھی شامل ہے، جو زیادہ استعمال کے دوران ڈیوائس کو ٹھنڈا رکھنے میں مدد دیتا ہے اور اوور ہیٹنگ کے امکانات کو کم کرتا ہے۔

بیٹری کے شعبے میں بھی کمپنی نے نمایاں بہتری دی ہے۔ vivo X300 FE میں 6500 ایم اے ایچ کی بڑی بیٹری دی گئی ہے، جو ایک ہی چارج پر طویل استعمال کی سہولت فراہم کرتی ہے۔ اس کے ساتھ 90 واٹ فاسٹ چارجنگ اور 40 واٹ وائرلیس چارجنگ کی سپورٹ بھی موجود ہے، جس سے صارف کم وقت میں فون کو دوبارہ چارج کر سکتے ہیں۔ مزید یہ کہ IP68 اور IP69 ریٹنگ کی بدولت فون پانی اور گرد سے بھی کافی حد تک محفوظ رہے گا۔

کمپنی نے سافٹ ویئر سپورٹ کے حوالے سے بھی بڑا اعلان کیا ہے۔ vivo کے مطابق X300 FE کو پانچ سال تک اینڈرائیڈ آپریٹنگ سسٹم اپ ڈیٹس اور سات سال تک سیکیورٹی اپ ڈیٹس فراہم کی جائیں گی، جس سے صارفین کو طویل عرصے تک محفوظ اور جدید سافٹ ویئر کا فائدہ حاصل ہوگا۔

پاکستان میں vivo X300 FE کی قیمت 2 لاکھ 69 ہزار روپے مقرر کی گئی ہے۔ یہ فون 12 جی بی ریم اور 256 جی بی اسٹوریج کے ساتھ دستیاب ہوگا۔ کمپنی کے مطابق پری آرڈر بکنگ 18 جولائی 2026 سے شروع ہوگی، جبکہ اسمارٹ فون کی باقاعدہ فروخت 25 جولائی 2026 سے ملک بھر میں شروع کی جائے گی۔