حکومت نے ہزاروں سرکاری ملازمین کو نوکری سے فارغ کردیا

امریکی صدر ڈونلڈ ٹرمپ اور ایلون مسک کی جانب سے امریکا کی وفاقی بیوروکریسی کے خاتمے کے عمل کو تیز کرنے کے بعد امریکی حکومت نے متعدد ایجنسیوں سے ہزاروں افراد کو برطرف کرنا شروع کر دیا۔

سابق فوجیوں کو صحت کی دیکھ بھال فراہم کرنے والے محکمہ ویٹرنز افیئرز کا کہنا ہے کہ اس نے ایک ہزار سے زائد ملازمین کو فارغ کر دیا ہے جبکہ یو ایس فاریسٹ سروس نے 3،000 سے زیادہ ملازمین کو برطرف کرنے کا فیصلہ کیا ہے۔

محکمہ تعلیم، سمال بزنس ایڈمنسٹریشن، کنزیومر فنانشل پروٹیکشن بیورو اور جنرل سروسز ایڈمنسٹریشن سے وابستہ افراد کو گزشتہ 48 گھنٹوں کے دوران برطرفی کی ای میلز بھیجی گئی ہیں، جن میں سے زیادہ تر حال ہی میں بھرتی کیے گئے ملازمین ہیں جو ابھی بھی پروبیشن پر ہیں۔

ٹرمپ نے اس کوشش کا دفاع کرتے ہوئے کہا ہے کہ حکومت میں غیر ضروری بھارتیاں کی گئی ہیں جس سے امریکی معیشت کو نقصان ہو رہا ہے۔

امریکی حکومت پر تقریبا 36 ٹریلین ڈالر کا قرضہ ہے اور گزشتہ سال اسے 1.8 ٹریلین ڈالر کا خسارہ ہوا تھا۔

لیکن ناقدین نے مسک کی دوٹوک طاقت کے نقطہ نظر پر سوال اٹھایا ہے، جنہوں نے ٹرمپ کی صدارت میں غیر معمولی اثر و رسوخ حاصل کیا ہے۔

سرکاری اعداد و شمار کے مطابق، تقریبا 280،000 سویلین سرکاری ملازمین کو دو سال سے بھی کم عرصہ پہلے بھرتی کیا گیا تھا، جن میں سے زیادہ تر اب بھی پروبیشن پر ہیں، جس کی وجہ سے انہیں ملازمت سے نکالنا آسان ہو گیا ہے۔