حسن نصر اللہ اور سید صفی الدین کی نماز جنازہ ادا، لاکھوں افراد کی شرکت

بیروت: حزب اللّٰہ کے شہید سربراہ حسن نصر اللّٰہ اور ہاشم صفی الدین کی نماز جنازہ ادا کردی گئی۔

غیرملکی میڈیا کے مطابق جنازے کا اجتماع بیروت کے اسپورٹس اسٹیڈیم میں منعقد کیا گیا ہے، جس میں لاکھوں افراد نے شرکت کی۔

رپورٹس میں کہا گیا ہے کہ شہید حسن نصر اللّٰہ اور انکے جانشین سید ہاشم صفی الدین کو بیروت میں ایئر پورٹ روڈ کے قریب سپردِ خاک کیا جائے گا۔

لبنان کے دارالحکومت بیروت کے جنوبی مضافات میں اسرائیلی فضائی حملے میں شہید ہونے کے تقریبا 5 ماہ بعد حزب اللہ کے سابق رہنما حسن نصراللہ کی آخری رسومات میں شرکت کیلئے اتوار کے روز بیروت کے مضافات میں واقع ایک اسٹیڈیم میں ہزاروں سوگوار جمع ہوئے۔

مزید پڑھیں:حسن نصر اللہ کی تدفین؛ شہری بیروت کا رخ نہ کریں، امریکا

مزید پڑھیں:حزب اللہ کے 2 شہید سربراہان کی نماز جنازہ و تدفین کا اعلان

سیاہ لباس میں ملبوس لبنان اور اس سے باہر کے مرد، خواتین اور بچے سخت سردی میں پیدل چل کر تقریب کے مقام تک پہنچ رہے ہیں۔

میڈیا رپورٹس کے مطابق حسن نصر اللّٰہ کے ساتھ شہید ہونے والے ہاشم صفی الدین کی نمازِ جنازہ بھی ادا کی جائے گی، ہاشم صفی الدین بھی اسرائیلی حملے میں شہید ہوگئے تھے۔

سربراہ حزب اللّٰہ نعیم قاسم کے مطابق شہید حسن نصر اللّٰہ اور ہاشم صفی الدین کی نمازِ جنازہ بڑے اجتماع میں ہو گی۔