صیہونی فوج نے نور شمس کو مکمل تباہ کردیا، کیمپ کھنڈر میں تبدیل

اسرائیلی آبادکاروں اور فورسز نے مقبوضہ مغربی کنارے کے علاقے ہیبرون اور جنین میں سیکڑوں فلسطینیوں کے گھروں کو نذر آتش کر دیا۔

قابض افواج کی پشت پناہی سے اسرائیلی آبادکاروں نے مقبوضہ مغربی کنارے میں حبرون کے جنوب میں یطہ کے مشرق میں واقع گاؤں ابو شعبان میں ایک زرعی عمارت کو آگ لگا دی۔

مسفر یاتا میں اسرائیلی آباد کاروں کی توسیع کی مخالفت کرنے والے ایک سرگرم کارکن اسامہ مخامرے نے فلسطینی ذرائع ابلاغ کے اداروں وفا کو بتایا کہ مسلح آباد کاروں نے فوجی تحفظ کے تحت علی عیش قریش کی املاک کو آگ لگائی۔

مخمریح نے مزید کہا کہ یہ فلسطینیوں کو مسفر یتہ سے بے دخل کرنے کی مسلسل کوششوں کا حصہ ہے۔

اس سے چند روز قبل آباد کاروں نے ایک اور رہائشی کی گاڑی کو نذر آتش کر دیا تھا، اس کے گھر پر نسل پرستانہ گرافیٹی بنائی جب کہ دوسرے خاندان کی رہائش گاہ پر دھاوا بولنے کی کوشش بھی کی تھی۔

تلکارم میں نور شمس کیمپ کمیٹی نے اسرائیل کی جانب سے پناہ گزین کیمپ کی جاری تباہی کی مذمت کرتے ہوئے بتایا ہے کہ حملے کے آغاز کے بعد سے اب تک 9 سے زائد رہائشی نقل مکانی پر مجبور ہو چکے ہیں۔

کمیٹی نے اسرائیل پر شہری بنیادی ڈھانچے کو منظم طریقے سے نشانہ بنانے کا الزام عائد کرتے ہوئے کہا کہ جارحیت کے آغاز سے لے کر اب تک صیہونی فوج نے کیمپ میں 10 سے زیادہ مکانات کو مسمار کر دیا ہے۔

اس بات کی بھی تصدیق کی گئی ہے کہ اسرائیلی افواج نے نور شمس کے بنیادی ڈھانچے کو مکمل طور پر تباہ کر دیا ہے، جس سے کیمپ کھنڈر بن گیا ہے۔