"دھمکیوں کیساتھ مذاکرات؛ سوال ہی پیدا نہیں ہوتا”

ایرانی صدر مسعود پزشکیان نے دوٹوک الفاظ میں امریکا اور مغرب کو خبردار کیا ہے کہ اگر دباؤ اور دھمکیاں دی جاتی رہیں تو کوئی مذاکرات نہیں کرے گا۔

میڈیا رپورٹس کے مطابق ایرانی صدر نے دوٹوک الفاظ کا انتخاب کرتے ہوئے کہا کہ ہم بات چیت کے حامی ہیں لیکن ایسے کسی فریق سے مذاکرات ممکن نہیں جو ہمیں کھلے عام دھمکیاں دے۔

انہوں نے کہا کہ مذاکرات حکومت کی خارجہ پالیسی کا بنیادی اصول ہے اور اسوقت مختلف معاملات پر دیگر ممالک، خاص طور پر ہمسایہ ممالک کے ساتھ مذاکرات جاری ہیں۔

مزید پڑھیں: "چاہے سب مارے جائیں! لیکن مزاحمت سے دستبردار نہیں ہونگے”

ایرانی صدر کا کہنا تھا کہ وزیر خارجہ عراقچی اس وقت یورپی ممالک کے ساتھ مذاکرات کے سلسلے میں بیرون ملک مقیم ہیں تاہم ملک پر دباؤ ڈال کر مذاکرات کرنا ہماری پالیسی نہیں اور نہ کوئی کرسکتا ہے۔

مزید پڑھیں: حسن نصر اللہ کی نماز جنازہ میں کتنے لاکھ افراد شریک ہوئے؟

انہوں نے ایران کی جغرافیائی حیثیت کو اجاگر کرتے ہوئے کہا کہ ایران پر پابندیاں عائد کرنا ممکن نہیں کیونکہ اس کے پاس خطے میں وسیع تجارتی اور سفارتی مواقع موجود ہیں۔