برطانیہ کے شاہی قلعہ میں ایک ہزار سال بعد نئی تاریخ رقم

برطانیہ کے شاہی قلعہ ونڈسر کیسل کی ہزار سالہ تاریخ میں پہلی بار افطار ڈنر کا اہتمام کیا گیا۔

برطانیہ کے شاہی قلعہ ونڈسر کیسل میں پہلی بار افطار ڈنر کا خصوصی اہتمام کیا گیا، جس میں سیکڑوں مسلمانوں نے شرکت کی۔ یہ تاریخی موقع شاہی قلعے کی روایات میں ایک نئے باب کا اضافہ سمجھا جا رہا ہے۔

برطانوی میڈیا کے مطابق ونڈسر کیسل کے سینٹ جارج ہال میں 350 سے زائد مسلمانوں نے افطار میں شرکت کی۔ یہ ہال عام طور پر ریاستی مہمانوں کے لیے مخصوص ہوتا ہے، لیکن اس بار رمضان المبارک کے مقدس مہینے میں مسلمانوں کے لیے اسے کھول دیا گیا۔ افطار سے قبل قلعے میں مغرب کی اذان بھی دی گئی۔

بعدازاں مسلمان شرکاء نے شاہی قلعے میں افطار کی اجازت دینے پر برطانیہ کے بادشاہ چارلس سوم کا خصوصی شکریہ ادا کیا۔