کینیڈا امریکی ریاست بنے گا؟ نئے وزیراعظم کا حلف اٹھاتے ہی اہم اعلان

کینیڈا کے نئے وزیراعظم مارک کارنی نے عہدے کا حلف اٹھاتے ہی کینیڈا کے امریکی ریاست بنے سے متعلق اہم اعلان کر دیا ہے۔

مارک کارنی نے ٹروڈو کے بعد کینیڈا کے 24ویں وزیراعظم کے طور پر حلف اٹھاتے ہی ٹرمپ کے الحاق پر دباؤ کو مسترد کرتے ہوئے دو ٹوک اعلان کیا کہ کینیڈا ‘کبھی’ امریکا کا حصہ نہیں بنے گا۔

انہوں نے زور دیا کہ کینیڈا اپنے جنوبی پڑوسی سے "بنیادی طور پر” مختلف ہے جو ملک کے مقامی، فرانسیسی اور برطانوی ورثے کے ساتھ ساتھ اس کی متنوع کابینہ کو بھی اجاگر کرتا ہے۔

کینیڈا کے نئے وزیراعظم نے کہا کہ ہم کبھی بھی، کسی بھی طرح اور کسی بھی شکل میں امریکا کا حصہ نہیں بنیں گے کیونکہ امریکا کینیڈا نہیں ہے۔