امریکہ اور ایران کے درمیان مذاکرات بحال ہوگئے، امریکی حکام

ایک علاقائی ذریعے نے تصدیق کی ہے کہ امریکہ اور ایران کے درمیان جاری امن مذاکرات دوبارہ بحال ہو کر تیزی سے آگے بڑھ رہے ہیں۔

مشرق وسطیٰ کے ایک معتبر علاقائی ذریعے نے بتایا ہے کہ امریکہ اور ایران کے درمیان سفارتی مذاکرات کا سلسلہ دوبارہ پٹری پر لوٹ آیا ہے اور دونوں ممالک کے درمیان بات چیت جاری ہے۔

اس سے قبل ایرانی سرکاری میڈیا نے رپورٹ کیا تھا کہ لبنان پر اسرائیلی حملوں کی وجہ سے تہران نے امریکہ کے ساتھ غیر مستقیم مذاکرات معطل کر دیے ہیں۔

یہ بھی پڑھیں : لبنان پر حملے جاری رہے تو امریکہ سے مذاکرات بند کر دیں گے، ایرانی اسپیکر

تاہم امریکی صدر ڈونلڈ ٹرمپ نے ان دعوؤں کو مسترد کرتے ہوئے سوشل میڈیا پر لکھا کہ اسلامی جمہوریہ ایران کے ساتھ مذاکرات انتہائی تیز رفتاری کے ساتھ جاری ہیں۔

امریکی انتظامیہ کا کہنا ہے کہ انہیں اکثر ایران کی طرف سے عوامی سطح پر اور پس پردہ الگ الگ اور متضاد پیغامات ملتے رہتے ہیں، لیکن اصل حقیقت یہ ہے کہ سفارت کاری کا عمل رکا نہیں ہے۔

صدر ٹرمپ نے یہ بھی بتایا کہ ان کی نیتن یاہو سے بات ہوئی ہے اور اسرائیل بیروت میں اپنی فوج نہیں بھیج رہا، جس کے بعد مذاکرات کا ماحول دوبارہ سازگار ہوا ہے۔