غزہ میں خونریزی جاری، الزیتون پر اسرائیلی ڈرون حملہ؛ مزید 3 فلسطینی شہید

غزہ میں اسرائیلی حملوں کا سلسلہ جاری ہے، جہاں الزیتون کے علاقے میں ڈرون حملے کے نتیجے میں مزید تین فلسطینی شہید ہوگئے۔

عرب میڈیا کے مطابق غزہ کے علاقے الزیتون میں اسرائیلی ڈرون حملے میں تین فلسطینی جان کی بازی ہار گئے، جس کے بعد گزشتہ روز ہونے والے حملوں میں شہید ہونے والے فلسطینیوں کی مجموعی تعداد 14 تک پہنچ گئی ہے۔

رپورٹس کے مطابق اسرائیلی حملوں میں سب سے زیادہ جانی نقصان اس وقت ہوا جب ایک جنازے کو نشانہ بنایا گیا، جس کے نتیجے میں 8 فلسطینی شہید ہوئے۔

غزہ میں جاری حملوں کے باعث شہری آبادی کو شدید مشکلات کا سامنا ہے، جبکہ متاثرہ علاقوں میں انسانی صورتحال مزید سنگین ہوتی جا رہی ہے۔