امریکی افواج کی میزبانی کرنے والے ممالک جوابی کارروائی کیلئے تیار رہیں؛ پاسداران انقلاب

ایران کی اسلامی انقلابی گارڈز نے امریکی فوجی ٹھکانوں کی میزبانی کرنے والے ممالک کو سخت انتباہ دیا ہے اور انہیں "متناسب جوابی کارروائی” کے لیے تیار رہنے کو کہا ہے۔

پاسداران انقلاب کے مطابق انہوں نے کویت کے الاحمدی بندرگاہ پر امریکی بحریہ کی ایندھن کی سہولت کو نشانہ بنایا۔ اسی طرح بحرین کے شیخ عیسیٰ ائیر بیس پر امریکی جنگی طیاروں کے ٹھکانے کو بھی حملے کا نشانہ بنایا۔

سرکاری نمائندوں کے مطابق پاسداران انقلاب کی زمینی فوجوں نے کویت میں واقع کیمپ عریفجان امریکی فوجی لاجسٹک مرکز کو ڈرونز اور میزائلوں سے نشانہ بنایا۔

انہوں نے دعویٰ کیا کہ اس حملے میں وہاں تعینات امریکی اہلکاروں میں جانی نقصان ہوا۔

پاسداران انقلاب نے مزید دعویٰ کیا کہ انہوں نے کویت کے علی السالم ائیر بیس پر بیک وقت حملہ کرکے وہاں موجود ریڈار نظام کو ناکارہ بنا دیا۔

انہوں نے کہا کہ حملے میں اسلحے کی مرمت کے لیے استعمال ہونے والے ہینگر اور ڈرون کے ٹھکانے کو بھی تباہ کر دیا گیا۔

ایرانی پاسداران انقلاب نے سخت الفاظ میں کہا ہے کہ جو ممالک امریکی فوجی اڈوں کی میزبانی کر رہے ہیں انہیں "متناسب جوابی کارروائی” کے لیے تیار رہنا چاہیے۔

انہوں نے تنبیہ دی ہے کہ ان ممالک کی سرزمین ایران کے خلاف جارحیت کے لیے استعمال ہو رہی ہے۔

نیم سرکاری خبر رساں ایجنسی تسنیم کے مطابق، پاسداران انقلاب نے ان ممالک سے مطالبہ کیا ہے کہ وہ اپنی شہری دفاعی یونٹس کو فوری طور پر فعال کریں۔

انہوں نے کہا ہے کہ شہریوں کو ممکنہ فوجی حملوں سے محفوظ کرنے اور انہیں نشانہ بنائی جانے والے مقامات سے دور منتقل کرنے کی ضرورت ہے۔

یہ بیان امریکہ اور ایران کے درمیان کشیدگی میں ایک خطرناک اضافے کو ظاہر کرتا ہے۔

ایرانی پاسداران انقلاب نے پہلے سے متعدد بار انتباہ دیا تھا کہ وہ امریکی کارروائیوں کا فیصلہ کن جواب دیں گے۔

خاورِ میانہ میں اس تیزی سے بڑھتی ہوئی فوجی کشیدگی سے علاقائی سالمیت اور بین الاقوامی امن و امان کو بڑا خطرہ ہے۔ کویت اور بحرین جیسے ممالک اب کشیدگی کے مرکز میں آ گئے ہیں۔