اردن میں ایرانی حملے میں تیسرا امریکی فوجی بھی مارا گیا، امریکی وزارت دفاع

امریکی وزارتِ دفاع نے تصدیق کی ہے کہ اردن کے موفق السلطی ایئر بیس پر ایرانی حملے میں لاپتہ ہونے والا 28 سالہ امریکی فوجی ہلاک ہو چکا ہے۔

امریکی وزارت دفاع نے بیان جاری کرتے ہوئے تصدیق کی ہے کہ 17 جولائی کو اردن میں واقع موفق السلطی ایئر بیس پر ایرانی میزائل حملے کے دوران لاپتہ ہونے والا تیسرا امریکی فوجی بھی ہلاک ہو گیا ہے۔

پینٹاگون کے مطابق 28 سالہ اس فوجی کو پہلے لاپتہ قرار دیا گیا تھا، تاہم اب اس کی کیفیت کو تبدیل کر کے ڈیوٹی کے دوران لاپتہ اور ہلاک شدہ قرار دے دیا گیا ہے۔

یہ بھی پڑھیں : عراق میں ایرانی ڈرون کو ناکارہ بناتے ہوئے ایک امریکی فوجی ہلاک، دوسرا زخمی

یاد رہے کہ اردن میں واقع اس امریکی ایئر بیس پر ہونے والے ہلاکت خیز ایرانی حملے میں دو امریکی فوجی موقع پر ہی ہلاک ہو گئے تھے جبکہ اس تیسرے فوجی کی تلاش جاری تھی۔

پینٹاگون کی جانب سے اس نئی ہلاکت کی تصدیق کے بعد، 28 فروری کو ایران کے خلاف جنگ کے آغاز سے لے کر اب تک ہلاک ہونے والے امریکی عسکری اہلکاروں کی مجموعی تعداد 18 تک پہنچ گئی ہے۔