سعودی ولی عہد اور فرانسیسی صدر کا رابطہ، علاقائی صورتحال اور بحری سلامتی پر گفتگو

سعودی عرب کے ولی عہد شہزادہ محمد بن سلمان اور فرانس کے صدر ایمانویل میکرون کے درمیان ٹیلی فونک رابطہ ہوا، جس میں خطے کی تازہ ترین صورتحال، امن و استحکام کے لیے جاری کوششوں اور دوطرفہ تعاون پر تبادلہ خیال کیا گیا۔

دونوں رہنماؤں نے علاقائی امن و سلامتی کو یقینی بنانے کے لیے مختلف امور پر گفتگو کی جبکہ بحری جہاز رانی کی سلامتی اور سمندری راستوں پر آزادانہ آمدورفت کی اہمیت پر بھی بات چیت کی گئی۔

ٹیلی فونک رابطے کے دوران سعودی عرب اور فرانس کے درمیان دوطرفہ تعلقات کا جائزہ لیا گیا اور مختلف شعبوں میں جاری تعاون کو مزید وسعت دینے کے طریقوں پر بھی غور کیا گیا۔

دونوں رہنماؤں نے باہمی روابط کو مضبوط بنانے اور مشترکہ مفادات کے فروغ کے عزم کا اظہار کیا۔