آبنائے ہرمز میں عارضی جہاز رانی کے معاہدے کے قریب ہیں: عراقچی

ایرانی وزیر خارجہ عباس عراقچی نے کہا ہے کہ امریکا کو مفاہمت کی یادداشت کی خلاف ورزیوں کا ازالہ کرنا ہوگا۔

ایک بیان میں عباس عراقچی نے کہا کہ موجودہ صورتحال امریکا کی جانب سے مفاہمت کی یادداشت کی خلاف ورزی کا نتیجہ ہے۔

ایرانی وزیر خارجہ کے مطابق ایران، عمان کے ساتھ آبنائے ہرمز میں عارضی جہاز رانی کے راستے سے متعلق معاہدے کے بہت قریب پہنچ چکا ہے۔

عباس عراقچی نے واضح کیا کہ عارضی جہاز رانی کے راستے پر معاہدے کا مطلب آبنائے ہرمز کا مکمل طور پر دوبارہ کھلنا نہیں ہوگا، کیونکہ اس کا انحصار دیگر عوامل پر ہے۔