فرانس کا غزہ اور ایران پر دوہرا معیار، دنیا کو انسانی حقوق پر لیکچر دینے سے باز رہے: عراقچی

ایرانی وزیر خارجہ عباس عراقچی نے فرانس پر شدید تنقید کرتے ہوئے کہا ہے کہ غزہ اور ایران کے معاملے پر فرانسیسی مؤقف دوہرے معیار کی عکاسی کرتا ہے۔

عراقچی نے کہا کہ فرانس کو انسانی حقوق اور بین الاقوامی قانون کے حوالے سے دنیا کو لیکچر دینے سے پہلے اپنے مؤقف اور اقدامات کا جائزہ لینا چاہیے۔

انہوں نے کہا کہ غزہ اور ایران کے خلاف جارحیت کی حمایت نے فرانس کے اخلاقی دیوالیہ پن کو بے نقاب کردیا ہے، جبکہ دونوں معاملات پر پیرس کا مؤقف واضح طور پر متضاد دکھائی دیتا ہے۔

ایرانی وزیر خارجہ نے مزید کہا کہ فرانس کے دوہرے معیار ناقابلِ تردید اور شرمناک ہیں۔