کینیڈا کا امریکی ٹیرف کے جواب میں جوابی محصولات لگانے کا اعلان

کینیڈا نے امریکی ٹیرف کا جواب دینے کے لیے جوابی محصولات لگانے کا اعلان کر دیا ہے۔

کینیڈا کے وزیراعظم مارک کارنی نے امریکا کی جانب سے عائد کیے گئے نئے ٹیرف کے جواب میں جوابی محصولات لگانے کا اعلان کرتے ہوئے واضح کیا ہے کہ حالیہ دنوں میں امریکا کی جانب سے پیش کی جانے والی نئی شرائط معاشی طور پر ناقابل قبول تھیں۔

یہ بھی پڑھیں : پاکستان مشرق وسطیٰ میں امن قائم کرسکتا ہے، امریکی سینیٹر

وزیراعظم مارک کارنی کا کہنا تھا کہ امریکا نے انتہائی زیادہ مطالبات کیے جبکہ اس کے بدلے میں بہت ہی کم پیشکش کی گئی جو کینیڈا کے معاشی مفادات کے خلاف ہے۔

انہوں نے عزم ظاہر کیا کہ کینیڈا اپنے اداروں اور معیشت کے تحفظ کے لیے واشنگٹن کے نئے محصولات کا بھرپور اور مناسب جواب دے گا۔ انہوں نے مزید کہا کہ اس تمام ردعمل کا بنیادی مقصد کینیڈا کی ملکی صنعتوں کا دفاع اور ان کا تحفظ کرنا ہے۔