اگر امریکہ دباؤ کی پالیسی ناکام ہونے کا اعتراف کر لے تو سفارت کاری کی بحالی ممکن ہے، عباس عراقچی

ایرانی وزیر خارجہ عباس عراقچی نے کہا ہے کہ اگر امریکہ دباؤ کی پالیسی چھوڑے تو سفارت کاری اب بھی بحال ہو سکتی ہے۔

ایران کے وزیر خارجہ عباس عراقچی نے کہا ہے کہ امریکہ کے ساتھ سفارتی تعلقات کی بحالی اور مذاکرات کا دوبارہ آغ

از اب بھی ممکن ہے، تاہم اس کے لیے واشنگٹن کو اپنا پرانا رویہ تبدیل کرنا ہوگا اور یہ بات تسلیم کرنا ہوگی کہ ایران پر دباؤ ڈالنے کی حکمت عملی مکمل طور پر ناکام ہو چکی ہے۔

یہ بھی پڑھیں : ایران جنگ سے قبل آئل شیئرز کی خرید و فروخت، ڈونلڈ ٹرمپ کا پورٹ فولیو 15 ملین ڈالر بڑھ گیا

ایرانی وزیر خارجہ نے یہ اہم باتیں قطر کے وزیر اعظم اور وزیر خارجہ شیخ محمد بن عبدالرحمن آل ثانی کے ساتھ ہونے والی گفتگو کے بعد سوشل میڈیا پلیٹ فارم ایکس پر اپنے ایک پیغام میں کہیں۔

عباس عراقچی کا کہنا تھا کہ سفارتی عمل کو دوبارہ درست سمت میں لانا ناممکن نہیں ہے، لیکن یہ صرف اسی صورت میں مشروط ہے کہ امریکہ اس ایک بنیادی اور سادہ حقیقت کو سمجھے کہ دباؤ کی پالیسی کام نہیں کرتی۔

انہوں نے امریکہ سے مطالبہ کیا کہ اگر وہ سفارت کاری کی بحالی میں سنجیدہ ہے تو اسے باہمی اعتماد قائم کرنا ہوگا، احترام کے ساتھ بات کرنی ہوگی، ایران کے قانونی اور آئینی حقوق کو تسلیم کرنا ہوگا اور اپنے ماضی کے تمام التزامات اور معاہدوں کی پاسداری کرنا ہوگی۔