عباس عراقچی کا او آئی سی سے ایران پر امریکی جارحیت کا جواب دینے کا مطالبہ

ایرانی وزیر خارجہ نے اسلامی تعاون تنظیم سے ایران کی خود مختاری پر امریکی و اسرائیلی جارحیت کا ذمہ دارانہ جواب دینے کا مطالبہ کیا ہے۔

ایران کے وزیرِ خارجہ عباس عراقچی نے اسلامی تعاون تنظیم کے نئے سیکریٹری جنرل سے ٹیلی فون پر گفتگو کرتے ہوئے اس بات پر زور دیا ہے کہ اسلامی ممالک ایران کی خود مختاری اور علاقائی سالمیت کی خلاف ورزی پر ذمہ دارانہ ردِعمل دیں۔

یہ بھی پڑھیں : ایران نے امریکی جنگی جہاز کے قریب نئے بحری جہاز شکن میزائل کا تجربہ کرتے ہوئے سخت انتباہ جاری کردیا

ایرانی وزیرِ خارجہ نے حسین ابراہیم طٰہٰ کو اسلامی تعاون تنظیم کے سیکریٹری جنرل کا عہدہ سنبھالنے پر مبارکباد دی اور امید ظاہر کی کہ وہ اسلامی دنیا کو درپیش چیلنجز اور پیش رفت سے نمٹنے کے لیے مسلمان ممالک کے درمیان اتحاد اور آہنگی کو فروغ دیں گے۔

بات چیت کے دوران عباس عراقچی نے امریکی اور اسرائیلی فورسز کی جانب سے ایران پر کی جانے والی حالیہ جارحیت کے بعد کی علاقائی صورتحال سے اسلامی تعاون تنظیم کے سربراہ کو تفصیل سے آگاہ کیا۔

انہوں نے واضح کیا کہ ایران کی سرحدوں کی خلاف ورزی، طاقت کے غیر قانونی استعمال اور بیرونی جارحیت کا مقابلہ کرنے کے لیے تمام اسلامی ممالک کا متحد ہو کر ایک ذمہ دارانہ موقف اختیار کرنا انتہائی ضروری ہے۔