امریکہ نے سعودی عرب کو 48 ایف 35 جنگی طیاروں کے فروخت کی منظوری دے دی

امریکی محکمہ خارجہ نے سعودی عرب کو 48 ایف 35 جنگی طیاروں اور جدید عسکری سازوسامان کی فروخت کی باضابطہ منظوری دے دی ہے۔

امریکی محکمہ خارجہ نے سعودی عرب کو دنیا کے جدید ترین 48 ایف 35 لائٹننگ ٹو جوائنٹ اسٹرائیک فائٹر جنگی طیاروں کی فروخت کی منظوری دے دی ہے۔

اس مجوزہ دفاعی معاہدے کی کل مالیت تقریباً 24 ارب 30 کروڑ ڈالر بتائی گئی ہے۔ اس بڑے پیکیج میں جدید جنگی طیاروں کے علاوہ جدید ترین مواصلاتی اور خفیہ معلومات اکٹھی کرنے والے آلات اور الیکٹرانک وارفیئر سپورٹ سسٹمز بھی شامل ہیں۔

یہ بھی پڑھیں : پاکستان سعودی عرب کے دفاع کیلئے کسی بھی حد تک جائے گا، ڈی جی آئی ایس پی آر

امریکی محکمہ خارجہ کی جانب سے جاری بیان میں کہا گیا ہے کہ اس مجوزہ فروخت کا بنیادی مقصد خلیجی خطے میں سیاسی استحکام اور معاشی ترقی کو فروغ دینے والے ایک اہم غیر نیٹو اتحادی ملک کی دفاعی صلاحیتوں کو مزید بہتر اور مضبوط بنانا ہے۔

اس پیشرفت کا خیرمقدم کرتے ہوئے واشنگتن میں سعودی سفارتخانے نے اپنے ایک بیان میں کہا کہ یہ معاہدہ سعودی عرب اور امریکہ کے درمیان عسکری تعاون کی بلندی اور اسٹریٹجک شراکت داری کی گہرائی کا منہ بولتا ثبوت ہے۔

تاہم تجزیہ کاروں کا ماننا ہے کہ اس معاہدے کو حتمی شکل دینے سے پہلے امریکی کانگریس کی جانب سے سخت جانچ پڑتال کا سامنا کرنا پڑ سکتا ہے، جو اس کی راہ میں بڑی رکاوٹ بن سکتی ہے۔