ایران کے خلاف بڑا فیصلہ کرنے کے آخری مرحلے میں ہوں، ڈونلڈ ٹرمپ

امریکی صدر نے اشارہ دیا ہے کہ وہ ایران کے خلاف ایک اور بڑے پیمانے پر فوجی کارروائی کرنے یا نہ کرنے کے فیصلے کے آخری مراحل میں ہیں۔

امریکی صدر ڈونلڈ ٹرمپ نے ایک انٹرویو میں کہا ہے کہ وہ اس بات پر گہرے غور میں ہیں کہ آیا ایران کے خلاف دوبارہ بڑے پیمانے پر تباہ کن فوجی کارروائیاں شروع کی جائیں یا نہیں۔

انہوں نے کہا کہ ان کے سامنے ایک بہت بڑا فیصلہ آنے والا ہے کہ کیا وہ جا کر ایرانی رجیم کو مکمل طور پر نیست و نابود کر دیں یا ایسا نہ کریں، اور اس صورتحال میں کچھ بھی ہو سکتا ہے۔

یہ بھی پڑھیں : چین اور روس نے ایران پر پابندیوں کے پینل کی توسیع کی امریکی قرارداد کو ویٹو کردیا

انہوں نے مزید بتایا کہ وہ اپنے مشرق وسطیٰ کے اتحادیوں سے بھی براہِ راست رابطہ کرنا چاہتے ہیں تاکہ جنگ کے اگلے اور ممکنہ اقدامات کے بارے میں ان کی رائے معلوم کی جا سکے۔

ٹرمپ نے دعویٰ کیا کہ امریکی بحری ناکہ بندی کی بدولت وہ ایران کی تیل کی برآمدات کو کامیابی کے ساتھ روکنے میں کامیاب رہے ہیں، جبکہ دوسری طرف ایران اب بھی مختلف ذرائع سے امریکہ کے ساتھ براہِ راست رابطے میں ہے اور ایرانی حکام اس کٹھن صورتحال میں بھی کسی نہ کسی معاہدے تک پہنچنے کی خواہش ظاہر کر رہے ہیں۔