ویڈیو: زلزلے سے بینکاک میں زیر تعمیر بلند عمارت ملبے کا ڈھیر بن گئی

میانمار میں جمعہ کے روز 7.7 اور 6.4 شدت کے دو طاقتور زلزلے نے نہ صرف مقامیوں کو نقصان پہنچایا بلکہ اس کے اثرات اس کے پڑوسی ملک تھائی لینڈ میں بھی محسوس کیے گئے۔

زلزلے کے جھٹکے اتنے شدید تھے کہ تھائی لینڈ کے دارالحکومت بینکاک میں بھی محسوس کیے گئے۔ زلزلے کے باعث بینکاک میں ایک زیر تعمیر عمارت اور میانمار میں ایک پل منہدم ہوگیا۔

مذکورہ ویڈیو میں ایک شخص کو زلزلے کی وجہ سے منہدم ہونے والی زیر تعمیر عمارت کی طرف توجہ مبذول کرواتے ہوئے سنا جاسکتا ہے۔

زلزلے کی ایک اور ویڈیو میں دیکھا جا سکتا ہے کہ بینکاک کی ایک بلند و بالا عمارت کے سوئمنگ پول سے پانی بہہ رہا ہے۔

یہ ویڈیو بینکاک کے ایک کنڈومونیم میں رہنے والے ایک کوریائی خاندان نے بنائی تھی۔

یہ بھی پڑھیں: میانمار اور تھائی لینڈ میں 7.7 شدت کے زلزلے سے تباہی، سیکڑوں افراد لاپتہ

زلزلے کے جھٹکے محسوس ہوتے ہی وسطی بینکاک کے گنجان آباد علاقے میں واقع بلند و بالا عمارتوں اور ہوٹلوں سے لوگ باہر نکل آئے جو صرف اپنی اور رشتہ داروں کی جان بچانے کی کوشش میں تھے۔

ایک ویڈیو میں جمعے کے روز آنے والے زلزلے کے دوران بینکاک کی مشہور مہاناکورن عمارت کو ہلتے ہوئے دکھایا گیا ہے۔

زلزلے کے دوران بینکاک میں بی ٹی ایس اسکائی ٹرین کو پرتشدد انداز میں ہلتے ہوئے دیکھا گیا تھا۔ تمام بی ٹی ایس اسٹیشن اب عارضی طور پر بند ہیں۔