ایپسٹین فائلز سے منسلک انکشافات کے دباؤ اور خوف کے باعث نریندر مودی کی واضح پسپائی

بھارتی اپوزیشن نے بھارت کے حالیہ تجارتی معاہدہ کو ایپسٹین فائلز کے خوف میں امریکا کے سامنے ’سر تسلیم خم‘ قرار دے دیا۔

بھارتی اپوزیشن جماعت کانگریس کے مطابق امریکی صدر ٹرمپ نے سستا روسی تیل خریدنے پر بھارت پر 25 فیصد اضافی ٹیرف عائد کیا تھا، نریندر مودی نے بیرونی دباؤ پر مکمل سر تسلیم خم کر کے روسی تیل کی خریداری میں کمی کی ہے۔

 کانگریس کے مطابق مودی کا بیرونی دباؤ پر قومی مؤقف سے انحراف ناکام سفارت کاری اور واضح پسپائی ہے، صدر ٹرمپ کے تجارتی معاہدے سے متعلق اعلانات نے بھارت کی کمزور حیثیت کو  مکمل طور پر واضح کر دیا۔

ماہرین کے مطابق بھارت کا نام نہاد خودمختاری کا بیانیہ امریکی پابندیوں کے سامنے مکمل طور پر زمیں بوس ہو چکا ہے، بھارتی خارجہ پالیسی حقیقت پسندی کی بجائےگمراہ کن بیانیے اور ہندوتوا نظریات کی اسیر بن چکی ہے۔