ڈونلڈ ٹرمپ کا ‘بادشاہت’ کا شوق اور سنہری مجسمہ

وائٹ ہاؤس نے ایک تصویر جاری کی ہے، جس میں ڈونلڈ ٹرمپ اور شاہ چارلس کو ‘دو بادشاہ’ قرار دیا گیا ہے، جس سے ٹرمپ کی شاہانہ خواہشات کا اظہار ہوتا ہے۔

وائٹ ہاؤس کی جانب سے سوشل میڈیا پر ڈونلڈ ٹرمپ کی برطانوی بادشاہ شاہ چارلس کے ساتھ ایک تصویر شیئر کی گئی ہے، جس کا عنوان ‘دو بادشاہ’ رکھا گیا ہے۔

TWO KINGS. 👑 pic.twitter.com/iPVUxc4i4H

— The White House (@WhiteHouse) April 28, 2026

بظاہر ڈونلڈ ٹرمپ خود کو بادشاہ کہلانے سے انکار کرتے رہے ہیں، تاہم وائٹ ہاؤس کی اس پوسٹ نے ان کی چھپی ہوئی خواہشات کو بے نقاب کر دیا ہے۔

سیاسی مبصرین اسے ٹرمپ کی اس انا کی تسکین قرار دے رہے ہیں، جس کے تحت وہ خود کو دنیا کا طاقتور ترین فرد اور ایک بادشاہ کی طرح دیکھنا پسند کرتے ہیں۔

یہ بھی پڑھیں : ایران تباہی کے دہانے پر ہے، ناکہ بندی ختم کرنے کیلئے گڑگڑا رہا ہے، ٹرمپ

اسی دوران فلوریڈا میں ٹرمپ کے ڈورل گولف ریزورٹ میں ان کا ایک قد آدم سنہری مجسمہ نصب کیا گیا ہے۔ یہ مجسمہ خالص سونے کی طرح چمک رہا ہے اور اسے ٹرمپ کی خود پسندی کی انتہا قرار دیا جا رہا ہے۔

ناقدین کا کہنا ہے کہ ٹرافیاں، ہوائی اڈے، سڑکیں اور تمغے اب ٹرمپ کی انا کے لیے کافی نہیں رہے، اسی لیے اب انہوں نے اپنے مجسمے نصب کروانا شروع کر دیے ہیں۔

اس اقدام کو ‘سنہرا بچھڑا’ قرار دیتے ہوئے سوشل میڈیا پر ان کا مذاق بھی اڑایا جا رہا ہے اور انہیں ‘سنہرا مسخرہ’ جیسے القابات دیے جا رہے ہیں۔

یہ صورتحال امریکی سیاست میں ایک ایسی شخصیت کے ابھرنے کی نشاندہی کرتی ہے، جو جمہوری اقدار کے بجائے اپنی شخصیت کی پرستش اور شاہانہ ٹھاٹ باٹ پر یقین رکھتی ہے۔