بینک صارفین ہوشیار!!! اہم وارننگ جاری

کویت کے مرکزی بینک نے اکاؤنٹ ہولڈرز اور عام شہریوں کو آن لائن مالی دھوکہ دہی کے بڑھتے ہوئے خطرات سے خبردار کیا ہے۔

 بینک کی جانب سے جاری کردہ تازہ انتباہ میں کہا گیا ہے کہ سوشل میڈیا اور میسجنگ ایپس کے ذریعے جعلساز لوگوں کو نشانہ بنا رہے ہیں۔

مرکزی بینک کے مطابق دھوکہ باز جعلی سرمایہ کاری کے منصوبے پیش کرتے ہیں اور کم وقت میں زیادہ منافع کا وعدہ کرتے ہیں۔ اس طرح کی اسکیمیں بظاہر پرکشش لگتی ہیں لیکن درحقیقت شہریوں کو مالی نقصان پہنچانے کا ذریعہ بنتی ہیں۔

انتظامیہ نے واضح کیا ہے کہ بعض افراد مشکوک لنکس اور غیر مصدقہ پیغامات کے ذریعے رقم کی منتقلی کا مطالبہ کرتے ہیں۔ ایسے اقدامات منی لانڈرنگ اور دیگر غیر قانونی سرگرمیوں کا حصہ ہو سکتے ہیں۔

بینک نے شہریوں کو مشورہ دیا ہے کہ کسی بھی سرمایہ کاری سے پہلے مکمل تحقیق کریں۔ صرف مستند اور لائسنس یافتہ اداروں کے ساتھ مالی لین دین کریں۔ غیر معروف ذرائع سے موصول ہونے والے پیغامات کو نظر انداز کریں۔