ڈونلڈ ٹرمپ کا معاشی منصوبہ صرف میڈیا پروپیگنڈا اور نفسیاتی جنگ ہے، ایرانی ذرائع

ایرانی ذرائع نے ڈونلڈ ٹرمپ کے نئے معاشی منصوبے کو صرف میڈیا پروپیگنڈا اور نفسیاتی جنگ قرار دے کر رد کر دیا ہے

المیادین کے مطابق ایک سینئر ایرانی سیاسی و سیکیورٹی ذرائع نے بتایا کہ امریکی صدر ڈونلڈ ٹرمپ کی جانب سے تہران کے خلاف متوقع معاشی دباؤ کا منصوبہ حقیقت میں صرف میڈیا پروپیگنڈا ہے، جو ایرانی عوام کے خلاف نفسیاتی مہم کا حصہ ہے اور اس سے زمین پر کوئی بڑی تبدیلی نہیں آئے گی۔

ذریعے نے بتایا کہ یہ منصوبہ ٹرمپ کی میڈیا ٹیم کا تیار کردہ ہے کیونکہ واشنگٹن ایران کے خلاف تمام دستیاب راستے اور طریقے پہلے ہی استعمال کر چکا ہے، جن میں پابندیاں اور بحری ناکہ بندی شامل ہیں۔ حالیہ تمام دعوے اور میڈیا مہمات عملی اقدامات کے بجائے صرف نفسیاتی جنگ ثابت ہوئی ہیں۔

یہ بھی پڑھیں : صدر ڈونلڈ ٹرمپ کا کینیڈا کی آٹو انڈسٹری پر 50 فیصد ڈیوٹی لگانے کا اعلان

ذریعے نے اشارہ کیا کہ یہ مہمات ہمیشہ مالیاتی منڈیوں کے کھلنے کے وقت شروع کی جاتی ہیں تاکہ توانائی کی قیمتوں کو کنٹرول کیا جا سکے اور ہر بار یہ سلسلہ اسی بات پر ختم ہوتا ہے کہ ٹرمپ ایران کو وقت دینے کا اشارہ دیتے ہیں، جس کے بعد ان کے قریبی ذرائع ابلاغ میں مذاکرات کی باتیں سامنے آنے لگتی ہیں۔

ٹرمپ نے یہ نیا معاشی منصوبہ ایک ایسے وقت میں پیش کیا جب منڈی کھل رہی تھی اور ایک ثالث پاکستان ایران میں موجود تھا، جو ان کی پرانی میڈیا اور نفسیاتی حکمت عملی کا واضح ثبوت ہے۔