ایران جنگ نے ثابت کیا کہ سیکیورٹی کے لیے صرف امریکہ پر انحصار کافی نہیں، قطر

قطری وزارتِ خارجہ نے کہا ہے کہ امریکہ، اسرائیل اور ایران کی جنگ نے ثابت کر دیا ہے کہ خلیجی ممالک کی سیکیورٹی کے لیے صرف امریکہ کے ساتھ دفاعی اتحاد کافی نہیں ہے۔

قطری وزارتِ خارجہ کے ترجمان ماجد الانصاری نے ابوظہبی میں منعقدہ ہیلی فورم سے خطاب کرتے ہوئے کہا ہے کہ ایران کے خلاف امریکہ اور اسرائیل کی جنگ نے یہ بات واضح کر دی ہے کہ خلیجی ریاستیں سیکیورٹی کے لیے صرف امریکہ کے ساتھ اسٹریٹجک شراکت داری پر مکمل انحصار نہیں کر سکتی۔

یہ بھی پڑھیں : تجارتی جہازوں کو دھمکیاں قبول نہیں، اپنی توانائی برآمدات یرغمال نہیں بننے دیں گے، متحدہ عرب امارات

انہوں نے کہا کہ خلیج میں اس بات کا ادراک ضروری ہے کہ خطے میں بین الاقوامی افواج کی موجودگی اور امریکہ کے ساتھ اتحاد اہم تو ہے مگر یہ کافی نہیں ہے، سیکیورٹی میں خود انحصاری ہی آگے بڑھنے کا واحد راستہ ہے۔

قطر اور دیگر خلیجی ممالک نے خطے بھر میں توانائی اور دیگر بنیادی ڈھانچے پر ایران کے حملوں کی شدید مذمت کرتے ہوئے واضح کیا ہے کہ یہ حملے عالمی قوانین اور اقوام متحدہ کے منشور کی سنگین خلاف ورزی ہیں۔