جوڈ بیلنگھم کے 2 گول، انگلینڈ ناروے کو ہرا کر فٹ بال ورلڈ کپ کے سیمی فائنل میں پہنچ گیا

جوڈ بیلنگھم کے 2 شاندار گولز کی بدولت انگلینڈ نے ناروے کو اضافی وقت کے اسپورٹس مقابلے میں 2-1 سے ہرا کر ورلڈ کپ کے سیمی فائنل میں جگہ بنا لی۔

میامی کی شدید گرمی اور حبس میں کھیلے گئے کوارٹر فائنل میچ میں ناروے نے پہلے ہاف میں اینڈریاس شجیلڈروپ کے گول کی بدولت حیران کن برتری حاصل کر لی تھی۔

ہاف ٹائم سے ٹھیک پہلے جوڈ بیلنگھم نے بہترین کھیل پیش کرتے ہوئے اسکور 1-1 سے برابر کر دیا۔ دوسرے ہاف میں میچ مزید سنسنی خیز ہو گیا، جب ویڈیو اسسٹنٹ امپائر (وی اے آر) کی جانچ کے بعد ناروے کا ایک گول منسوخ کر دیا گیا کیونکہ ارلنگ ہالینڈ نے گول سے پہلے مخالف کھلاڑی کو دھکا دیا تھا۔

یہ بھی پڑھیں : ویسٹ انڈیز نے پہلے ایک روزہ میچ میں نیوزی لینڈ کو 7 وکٹوں سے ہرا دیا

مقررہ وقت میں میچ برابر رہنے کے بعد کھیل اضافی وقت میں چلا گیا، جہاں جوڈ بیلنگھم نے ناروے کے گول کیپر کی غلطی کا فائدہ اٹھاتے ہوئے میچ کا فیصلہ کن گول کر دیا، جو اس ٹورنامنٹ میں ان کا چھٹا گول ہے۔

ناروے کے اسٹار کھلاڑی ارلنگ ہالینڈ کا مسلسل 14 میچوں میں گول کرنے کا ریکارڈ اس میچ میں ٹوٹ گیا اور وہ تھکن کے باعث اضافی وقت میں تبدیل کر دیئے گئے۔

انگلینڈ کے کوچ تھامس ٹوخل نے میچ کے بعد گفتگو کرتے ہوئے کہا کہ وہ سیمی فائنل میں پہنچنے پر خوش ہیں لیکن ٹیم کی کارکردگی سے مطمئن نہیں ہیں، کیونکہ کھلاڑیوں نے بہت سی تکنیکی غلطیاں کیں اور وہ خوش قسمت تھے کہ میچ جیت گئے۔ اب سیمی فائنل میں انگلینڈ کا سامنا بدھ کے روز ارجنٹائن سے ہوگا۔