فیفا ورلڈکپ، فرانس کے کائلان ایمباپے نے دوسری بار گولڈن بوٹ ایوارڈ جیت لیا

فٹ بال ورلڈ کپ 2026 کے اختتام پر ایوارڈز کا اعلان کر دیا گیا، جس میں فرانس کے ایمباپے کو گولڈن بوٹ اور اسپین کے روڈری کو گولڈن بال کا ایوارڈ ملا ہے۔

نیویارک نیو جرسی اسٹیڈیم میں اسپین کی فتح کے ساتھ ہی ورلڈ کپ 2026 کے تمام بڑے ایوارڈز کا فیصلہ ہو گیا ہے۔ فرانس کے 27 سالہ اسٹرائیکر کائلان ایمباپے نے ٹورنامنٹ میں سب سے زیادہ 10 گول اور 4 اسسٹ کر کے دوسری بار گولڈن بوٹ کا ایوارڈ اپنے نام کر لیا ہے۔

انہوں نے ارجنٹائن کے لیونل میسی کو پیچھے چھوڑا، جنہوں نے 8 گول اور 4 اسسٹ کیے۔ ایمباپے نے انگلینڈ کے خلاف تیسری پوزیشن کے میچ میں 2 گول کر کے یہ پوزیشن حاصل کی، حالانکہ وہ میچ انگلینڈ نے 6-4 سے جیتا تھا۔

یہ بھی پڑھیں : اسپین نے ارجنٹائن کو 1-0 سے ہرا کر فٹ بال ورلڈ کپ 2026 جیت لیا

ٹورنامنٹ کے بہترین کھلاڑی کا گولڈن بال ایوارڈ اسپین کے مڈفیلڈر روڈری کو دیا گیا ہے۔ روڈری نے ٹورنامنٹ کے 8 میچوں میں کوئی گول یا اسسٹ تو نہیں کیا، لیکن انہوں نے سب سے زیادہ پاسز مکمل کیے اور فائنل میں لیونل میسی کو کھل کر کھیلنے سے روکا۔

ٹورنامنٹ کے بہترین گول کیپر کا گولڈن گلوو ایوارڈ اسپین کے 29 سالہ اونائی سیمون کو ملا، جنہوں نے ٹورنامنٹ میں 7 میچوں میں کوئی گول نہیں ہونے دیا، جو ایک نیا ورلڈ کپ ریکارڈ ہے۔

اسپین کے نوجوان کھلاڑی پاؤ کیوبارسی کو ٹورنامنٹ کا بہترین نوجوان کھلاڑی قرار دیا گیا، جنہوں نے فائنل میں لاجواب پرفارمنس دی اور اسپین کے پوسٹر بوائے لیمین یامال کو بھی پیچھے چھوڑ دیا۔

نیدرلینڈز کی ٹیم کو پورے ٹورنامنٹ میں صرف 3 یلو کارڈ ملنے پر فیئر پلے ایوارڈ سے نوازا گیا، حالانکہ نیدرلینڈز کی ٹیم راؤنڈ آف 32 میں مراکش سے ہنستے کھیلتے 3-2 سے ہار کر باہر ہو گئی تھی۔