بحرِ احمر میں بھارتی مال بردار جہاز میزائل حملے کے بعد ڈوب گیا

بحرِ احمر میں حملے کا نشانہ بننے والا بھارتی مال بردار بحری جہاز یمن کے علاقائی سمندری حدود کے قریب ڈوب گیا۔ یمنی کوسٹ گارڈ نے بروقت کارروائی کرتے ہوئے جہاز کے تمام 14 عملے کے ارکان کو بچا لیا۔

بھارت کے وزیر برائے جہاز رانی سربانندا سونووال نے تصدیق کی ہے کہ ایک بھارتی مال بردار بحری جہاز فیض نورِ اولیاء بحرِ احمر میں پروجیکٹائل لگنے کے بعد الٹ کر ڈوب گیا ہے۔

یہ بھی پڑھیں : بحیرہ احمر میں حوثیوں سے تحفظ کے لیے سعودی عرب کا عالمی اتحاد قائم کرنے کا فیصلہ

حادثہ یمن کے حدود کے قریب پیش آیا، جس کے بعد یمنی کوسٹ گارڈ نے فوری ریسکیو آپریشن شروع کرتے ہوئے عملے کے تمام 14 افراد کو بچا لیا، جن میں 13 بھارتی شہری شامل ہیں۔

عملے کے تمام ارکان کو بحفاظت موخا کی بندرگاہ پہنچا دیا گیا ہے۔ بھارتی حکام نے اس علاقے میں سفر کرنے والے اپنے سمندری عملے کی حفاظت یقینی بنانے کے لیے تمام متعلقہ اداروں کو الرٹ جاری کر دیا ہے۔