امریکہ ایران جنگ نے عالمی معیشت کو شدید ترین بحران میں دھکیل دیا ہے، ترک وزیر خارجہ

ترک وزیر خارجہ کا کہنا ہے کہ خطے میں توانائی کے اس بڑھتے ہوئے بحران کو حل کرنے کے لیے شام ایک اہم ترین راہداری اور معاشی لائف لائن ثابت ہو سکتا ہے۔

ترکیہ کے وزیر خارجہ حقان فیدان نے خبردار کیا ہے کہ امریکہ اور ایران کے درمیان چھڑنے والی اس تباہ کن جنگ نے دنیا بھر کی معیشت کو ایک انتہائی شدید اور خطرناک بحران کی لپیٹ میں لے کر رکھ دیا ہے۔

انہوں نے واضح کیا کہ اس وقت مشرق وسطیٰ میں جو توانائی کا سنگین بحران پیدا ہو چکا ہے، اس سے نمٹنے کے لیے شام خطے کے اندر ایک کلیدی لائف لائن اور انتہائی اہم راہداری کا کردار ادا کر سکتا ہے۔

یہ بھی پڑھیں : امریکہ وینزویلا کی طرح ایران کا تیل بھی اپنے قبضے میں لے سکتا ہے، صدر ڈونلڈ ٹرمپ

ترک وزیر خارجہ کا کہنا تھا کہ جغرافیائی لحاظ سے شام کے پاس اتنی مکمل صلاحیت موجود ہے کہ وہ خلیجی ممالک کو اردن اور سعودی عرب کے راستے آپس میں جوڑ سکے۔

انہوں نے مزید کہا کہ یہ ملک عراق کو مشرق اور ترکیہ کے راستے براہِ راست یورپ کے ساتھ منسلک کرنے کی بہترین صلاحیت رکھتا ہے۔

انہوں نے عالمی برادری پر زور دیا کہ موجودہ جنگ کے معاشی اثرات سے نمٹنے کے لیے خطے کے اس اہم ٹرانزٹ روٹ کو فعال بنایا جائے تاکہ دنیا کو توانائی کے اس گھمبیر مسائل سے نجات دلائی جا سکے، جو موجودہ جنگ کی وجہ سے پوری دنیا کے گلے کا پھندا بن چکے ہیں۔