سونے کی قیمت میں اچانک بڑی کمی ہوگئی

پاکستان بھر کی صرافہ مارکیٹوں میں سونے کی قیمت میں نمایاں کمی دیکھنے میں آئی ہے۔

آل پاکستان صرافہ بازار کے مطابق ملک میں فی تولہ سونا 3 ہزار 300 روپے سستا ہو گیا ہے۔ اس کمی کے بعد فی تولہ سونے کی نئی قیمت 5 لاکھ 1 ہزار 562 روپے ہو گئی ہے۔

اسی طرح 10 گرام سونے کی قیمت میں بھی نمایاں کمی ریکارڈ کی گئی۔ 10 گرام سونا 2829 روپے سستا ہونے کے بعد 4 لاکھ 30 ہزار 08 روپے ہو گئی۔

اس کے علاوہ ملک میں فی تولہ چاندی کی قیمت 70 روپے کمی کے بعد 8 ہزار 444 روپے ہو گئی۔

دوسری جانب عالمی مارکیٹ میں سونا 33 ڈالر  کمی سے4792 ڈالر فی اونس کی سطح پر آگیا۔